Янгынга каршы махсус режим кертелә

Яңа Чишмә муниципаль районы башкарма комитеты шул уңайдан тиешле карар кабул итте.

Махсус режим гамәлдә булган чорда билгеле бер территорияләрдә, бенгал утлары һәм шартлаткычлардан (хлопушка) тыш, 1-3 класслы куркынычлы пиротехник эшләнмәләрне куллану тыела.

Учреждение һәм оешма җитәкчеләре үз карамакларындагы учреждениеләрдә янгын куркынычсызлыгын тәэмин итәргә бурычлы.

Барлык оешмаларда да кизү торырга, янгын сүндерү-коткару хезмәтенә Яңа ел чараларын үткәрү урыннарын тикшерергә һәм персоналга инструктаж үткәрергә кирәк.

Авыл җирлекләре башлыкларына янгын куркынычсызлыгы таләпләренең үтәлешен тәэмин итәргә кирәк.

Пиротехниканы тыелган урыннарда кулланган өчен зур күләмдә штрафлар каралган.