Иң яхшы почта хезмәткәрләренә - бүләкләр

Азат Мусин, 9 октябрь 2024 - 12:14

115

Безнең район газетасына язылу кампаниясе йомгаклары буенча иң яхшы почта хезмәткәрләренә бүләкләр тапшыру инде күркәм традициягә әверелгән.

Бүгенгесе көндә безнең газетага 1300гә якын кеше язылган. Екатерина һәм Шахмай авылларының почта бүлекчәләрендә язылу буенча күрсәткечләр ел саен авыл җирлекләрендәге йортлар санына пропорциональ рәвештә, ягъни начар түгел.

Чистай почтамты тәкъдиме буенча газета редакциясе үз бүләкләрен әлеге бүлекчәләрнең начальниклары Елена Ерашова һәм Энҗе Булатовага, шулай ук Яңа Чишмә бүлекчәсенең хат ташучысы Ирина Кокинага тапшырды.

Хәзер 2025 елның беренче яртыеллыгына язылу бара һәм без почта хезмәткәрләренә уңышлар теләп калабыз.