Көмеш волонтерлар вакытны бушка уздырмыйлар
23 февраль алдыннан Яңа Чишмә муниципаль районының Көмеш волонтерлары да читтә калмаска һәм СВО зонасындагы хәрбиләргә гуманитар ярдәм әзерләүдә һәм җибәрүдә катнашырга карар иткәннәр.
Горшково авылыннан «Көмеш волонтерлар» яңа җитештерү технологияләрен үзләштерә. Шуңа күрә Яңа Чишмә районында көмеш волонтерларның җитәкчесе Елена Захарова заказ биргән материаллар кайткач, ул аларны шунда ук Горшково авылы халкының игелекле кулларына тапшырган. Эш шул ук кичне башланган.
Осталар баштан хәрбиләр өчен коры душ ясаганнар.
Сөлгеләр өчен махсус рәвештә нечкә «вафельный» тукыма кайтарганнар — ул бик йомшак һәм тәнгә рәхәт. Аны 20гә 40 см-лы кисәкләргә кисеп, кырыйларын теккәннәр.
Тиздән 150 данә коры душ СВО зонасына җибәрү өчен әзер булачак.
Әлегә окоп шәмнәрен ясар өчен заказ бирелгән парафин кайтып җитмәгән, вакытны бушка үткәрмәс өчен Горшково авылының көмеш волонтерлары Аксубай районының «Мечта» приютындагы балалар өчен җылы оекбашлар бәйли.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев