Бу көннәрдә районда быел файдалануга тапшырыласы объектларда төзү-монтаж эшләрен төгәлләп киләләр.
Иң эре объект - ЗАГС белән бергә Балалар сәнгать мәктәбе декабрь башында үз ишекләрен ачачак (смета бәясе 100 млн. сумнан артык). Объектта көн саен 30-35 кеше хезмәт куя, хәзер эчке бизәү эшләре башкарыла, берничә көннән җиһазлар кайтарылачак һәм урнаштырылачак. Төзүчеләргә районның бюджет учреждениеләре хезмәткәрләре дә булыша.
"Төзүче" ҖЧҖ "Көнбатыш" микрорайонында ятим балаларны торак белән тәэмин итү программасы буенча йорт торгыза. "Факел" сәламәтләндерү лагеры янында яктыртылган трасса белән чаңгы базасын төзү эшләре төгәлләнеп килә.
Шушы көннәрдә Петропавел Бистәсендә балалар бакчасына капиталь ремонт, шулай ук Алексеевск аграр колледжы филиалы бинасының түбәсен һәм җылыту системасын алыштыру эшләре төгәлләнеп килә (анда эшләрнең 80%ы башкарылган инде).
Подписывайтесь на наш Telegram-канал "Шешминская новь"
Нет комментариев