«Россия йөрәге» гаилә учагы: Гаилә һәм мәхәббәт символы Яңа Чишмә районында

2024 ел Россия Федерациясе Президенты В.В. Путин тарафыннан Гаилә елы дип игълан ителгән иде. «Россия йөрәге» Бөтенроссия гаилә учагы - аның символы, аны Мәскәүдәге ВДНХда «Россия» күргәзмәсендә кабызганнар. Гаилә җылысы символына әверелгән ут Изге Троица монастыреннан китерелгән, анда изге Петр һәм Феврониянең сөякләре саклана (православие динендә гаиләләргә ярдәм итүче изгеләр).

Капсуланы күп балалы гаилә - Олег Юрьевич һәм Рузанна Анатольевна Храмовлар кабул иткән. Гаилә башлыгы һәм өч бала әтисе Олег Юрьевич хәзергесе вакытта махсус хәрби операциядә катнаша. Ул 2022 елның октябрендә анда үз теләге белән киткән һәм хәзер мотоукчылар полкында гранатометчылар бүлеге белән командалык итә. Аның хатыны Рузанна инде биш ел Яңа Чишмә «Кайгырту» ХСХКҮдә социаль педагог булып эшли. Төп эше белән беррәттән, ул актив рәвештә волонтерлык эшчәнлеге белән дә шөгыльләнә, ул - ТР Ватан сугышчылары гаиләләре комитетының райондагы вәкиле һәм шулай ук «Ватан сугышчылары гаиләләре җәмгыяте» төркемен оештыручы да булып тора.

Олег һәм Рузаннаның уллары Вячеслав һәм кызлары Милана Яңа Чишмә урта мәктәбе укучылары, ә кече кызлары Дарья балалар бакчасына йөри.

«Россия йөрәге» җиде көн дәвамында Яңа Чишмә муниципаль районы Башкарма комитетының ЗАГС секторында булачак. Теләге булган һәркем гаилә учагының җылысына кагыла, мәхәббәт һәм бердәмлек атмосферасын тоя алачак.