Яңа Чишмә районы буенча 2024 елда физик затлар өчен исәпләнгән салымнарның (җир, транспорт һәм милеккә) гомуми суммасы 30,4 млн. сум тәшкил итә.
Алар арасында җир салымы – 8,3 млн. сум, милеккә салым – 4,3 млн. сум, транспорт салымы – 17,8 млн. сум.
Октябрь башына җир салымы 2,6 млн. сум күләмендә түләнгән, бу барлык исәпләнгән сумманың 32% ын тәшкил итә. Черемухово (52%), Зирекле (39%) һәм Акбүре (39%), Шахмай (47%) авыл җирлекләрендә салымның бу төрен җыю начар бармый. Әлегә Яңа Чишмә (18%), Красный Октябрь (18%) һәм Екатерина Бистәсе (21%) авыл җирлекләре бу эшкә тиешенчә керешмәве күренә.
Милеккә салым 1,1 млн. сум (26%) күләмендә түләнгән. Шахмай (47%), Зирекле (33%) авыл җирлекләрендә күрсәткеч начар түгел, Буревестник (12%) һәм Архангел Бистәсе (13%) авыл җирлекләре исемлектә артта торалар.
Җир салымы һәм мөлкәткә салым авыл җирлекләре бюджетларына китә, шуңа күрә аларны вакытында түләүне аерым контрольдә тотыла.
Исегезгә төшерәбез, салымны 2025 елның 1 декабренә кадәр түләргә кирәк.
Нет комментариев