Волонтерлар Илгизәр Насыйбуллин, Илфат Нургатин, Илгиз Әхмәтов һәм Андрей Жирнов СВО зонасына чираттагы партия гуманитар йөк илттеләр.
КФХ башлыгы А.А. Савельев һәм «АгроРаздолье» ҖЧҖ тапшырган УАЗ-«буханка»лар яңачишмәлеләрнең хәйрия акчаларына капиталь төзекләндерелгән. Автомобильләрне Сергей Гульков, Александр Шумков һәм Сергей Лазарев яңарткан.
-Ике автомобиль дә 1700 километрдан артык юлны уңышлы үтеп, Северодонецк районындагы безнең сугышчыларга тапшырылды, - диде Илгизәр Насыйбуллин. –11 бушату ноктасында булдык, бар нәрсәне – авторезина, май, полиэтилен, шәхси посылкалар, газ баллоннары, окоп шәмнәре, тәм-томнар, гигиена әйберләрен һ.б.ны егетләргә тапшырдык. Шулай ук гуманитар йөкнең зур партиясен кыр госпиталенә тапшырдык, моның өчен яңачишмәлеләргә зур рәхмәт.
- Барыгызга да битараф булмаганыгыз өчен рәхмәт, гуманитар ярдәм белән бергә без әле өй җылысының бер өлешен алабыз, - диделәр волонтерларга сугышчылар һәм туганнары, якыннарына сәлам тапшырдылар.
Нет комментариев