«Талир тәңкә» коллективы Яңа Чишмә Интернат-йортында Сабантуй үткәргән

«Талир тәңкә» үзешчән халык коллективы милли мәдәниятләр һәм традицияләр елы кысаларында Интернат-йортта яшәүчеләр өчен Сабантуй бәйрәме уздырган. Бу хакта «Яңа Чишмә хәбәрләре» газетасы редакциясенә Интернат-йорт белгече Гүзәлия Мостафина хәбәр итә.

- «Талир тәңкә» халык коллективы — безнең «көмеш волонтерлар», алар безгә Чаллы Башыннан еш киләләр, — ди Интернат — йорт хезмәткәрләре. 

Алар үзләре дә, артистлар белән бергә, тамашачыларга традицион уеннар, җырлар, биюләр, әйлән-бәйлән тәкъдим итеп, искиткеч бәйрәм турында сөйләделәр һәм күрсәттеләр.
Биредә яшәүчеләр бәйрәмдә үзләре дә актив катнашканнар һәм призлар алганнар.

Интернат-йортта яшәүчеләр «көмеш волонтерларга» ялгыз өлкән яшьтәге кешеләргә карата игътибарлы һәм игелекле булганнары өчен зур рәхмәт белдергәннәр.