Традицияләрне торгызу һәм саклап калу

Волчья Бистәсе 1730 елларда барлыкка килгән. Борынгы заманнарда авыл җирлеге анда храм булган очракта гына авыл булып саналган.

Бездә булган мәгълүматлар буенча, Бистәдә 1764 елда  изгеләр Косьма һәм Дамиан  чиркәү мәхәлләсе оештырылган (тарихта алар Кузьма һәм Демьян буларак билгеле). Изге чишмә инеше ярында беренче агач чиркәү төзелгән. Шул вакыттан алып авыл Слобода Космодемьянская Волчья  дип атала башлаган. Изгеләрне искә алу көне престол бәйрәменә әверелгән. 

1906 елда авылда кирпечтән яңа чиркәү төзелгән, хәзер анда кибет урнашкан. Иске агач чиркәү, күрше авыл халкы үтенече буенча, аларга сатылган.

1936 елда, кызганычка каршы, храм нигезенә кадәр җимерелгән. Һәм менә, 2013 елда авылда кабат мәхәллә булдырыла һәм гыйбадәтханә төзелеше башлана. 2015 елның 17 февралендә аны тантаналы рәвештә ачу тантанасы була.

Традицияләрне саклау максатыннан, быел авыл халкы Яңа Чишмә районы руханилары катнашында үзләренең престол бәйрәмен билгеләп үткәннәр.

Бу хакта редакциягә Волчья Бистәсе активисты Николай Темников хәбәр итте.