Ватан Геройлары көне

Һәр ил Ватан иминлеге өчен сугышларда батырлык һәм каһарманлык күрсәткән солдатлары, шулай ук тыныч вакытта батырлык һәм куркусызлык күрсәткән гади гражданнары белән горурлана. Бу истәлекле дата нәкъ менә югары бүләкләргә лаек булган геройларга багышлана.

Безнең районнан Волчья Бистәсеннән Чекин Борис Сергеевич һәм Петропавел Бистәсеннән Савельев Федор Петрович Советлар Союзы геройлары булып танылган. Тагын 10 кеше әлеге югары исемгә тәкъдим ителгән, ләкин Герой урынына орденнар алганнар.

Бөек Ватан сугышыннан соң якташларыбыз Әфганстанда, Чечняда хәрби бурычларын батырларча үтәделәр, ә бүген исә СВО зонасында хәрбиләребез Ватанны яклап көрәшә. Аларның күбесе батырлык һәм кыюлык үрнәкләре күрсәтә.

Митингта чыгыш ясаган район башкарма комитеты җитәкчесе Ринат Фәсахов һәм ветераннар Советы рәисе Александр Скоков яңачишмәлеләрнең Ватан иминлегенә керткән өлешләрен билгеләп үттеләр. «Без илебез геройларын белергә, истә тотарга һәм хөрмәт итәргә тиеш. Хәтер халык күңелендә яшәгәндә генә Герой беркайчан да үлмәячәк», - дип ассызыкладылар алар.
Батыр якташларны бер минутлык тынлык белән искә алганнан соң Советлар Союзы Геройлары Федор Савельев һәм Борис Чекин бюстларына чәчәкләр салынды.