Хәзерге авыл - үсеш ноктасы

«Чишмәле» яшьләр үзәгендә район Башлыгы Егор Тарнавский республика фермерлары, Татарстан Республикасы Авыл хуҗалыгы һәм азык-төлек министрлыгы вәкилләре һәм журналистлар белән очрашты.

Дискуссия башланыр алдыннан кунакларга районның социаль объектларын һәм иҗтимагый киңлекләрен - бүгенге көндә ничек яшәүне һәм уртак тырышлык нәтиҗәсендә нәрсәләр үзгәрүен күрсәттеләр.

Ачык диалог: авыл территорияләрен алга таба үстерү

Дискуссиянең төп темасы: «Авыл # колхоз: авыл һәм шәһәр кооперациясе». Авылны алга таба үстерү буенча иң кискен һәм актуаль мәсьәләләр, шулай ук шәһәрнең уңайлылыгы һәм авыл үзенчәлеге арасындагы чикләрне ничек бетерергә кирәклеге турында кызыклы әңгәмә булды.

Дискуссия барышында авылда акча эшләүнең реаль модельләре, авыл мөмкинлекләрен шәһәр бизнесына интеграцияләү ысуллары, җитештерүне шәһәр компетенцияләре белән берләштерүнең уңышлы кейслары, шулай ук җирдә эшләргә әзер булганнарга дәүләт ярдәме чаралары турында фикер алыштылар.

Теориядән практикага: район буенча тур

Теоретик өлештән соң район кунаклары өчен әлеге идеяләрнең Яңа Чишмә районы фермерлары тарафыннан тормышка ашырылуын күрсәтү өчен район буенча тур оештырылды.

Башта Чуаш Чабаксары авылында Ильдуловларның гаилә фермасында булдылар. Кунакларны ипи-тоз белән каршы алган Людмила Ильдулова үзенең фермер хуҗалыгын күрсәтте. Ул республика һәм район җитәкчелегенә җәйге лагерьга асфальт юл салган өчен рәхмәт белдерде, яңа хуҗалык корылмаларын һәм азык ишегалдын күрсәтте. Кунаклар хуҗалык территориясененең эчендәге генә түгел, тышындагы  чисталыкка һәм тәртипкә гаҗәпләнделәр.

Аннары Архангел Бистәсендә әкәм-төкәм үрчетү фермасында, Зирекле авылында агротуризмны уңышлы үстерүче һәм атта йөрүләр оештыручы Илгиз Кыямовның шәхси ярдәмче хуҗалыгында булдылар.

Безнең район логистика буенча уңайлы урында урнашкан - янәшәдә федераль трасса, республиканың эре шәһәрләренә кадәр ерак түгел, яхшы юллар, искиткеч табигать, яхшы күңелле кешеләр һәм башка бик күп нәрсәләр.

«Хәзерге авыл - үсеш ноктасы. Без теләсә нинди инициативаларга ярдәм итәргә әзер», - дип ассызыклады район Башлыгы Егор Тарнавский. Читтән килгән кунаклар да моңа инандылар.

Подписывайтесь на наш Telegram-канал "Шешминская новь"