Яңа Чишмә көрәшчесе - Татарстан чемпионаты призеры
Яңа Чишмә көрәшчесе Динар Миннебаев милли көрәш буенча республика чемпионатында өченче урынны яулаган.
Татарстанда милли көрәш буенча 2021 елның чемпионнары мәгълүм булган.
22-23 ноябрьдә Казанның «Ак Барс» спорт сараенда ир-атлар арасында көрәш буенча республика чемпионаты узган. Команда зачетында беренче урынны Яр Чаллы шәһәренең Комсомол районы спортчылары яулаган, икенче урынны - Лаеш, өченче урынга Әлмәт районы көрәшчеләре лаек булган.
60 килограммга чаклы авырлык үлчәмендә җиңүчеләр: I урын - Алексей Абрамов (Лаеш районы), II урын - Шамил Чевик (Лаеш районы), III урын — Динар Миннебаев (Яңа Чишмә районы), Раил Вәлиев (Казанның Яңа Савин районы).
Динарны бу җиңүе белән котлыйбыз, киләчәктә дә яңадан-яңа үрләр яулавын телибез!
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев