Яңа Чишмә районында яшәүче исерек хатын көнкүреш техникасы урлаган

Урлау

4 декабрьдә кичке сәгать тугызлар тирәсендә исерек хәлдәге гр-ка С. Тубылгы Тау авылындагы Дуслык урамында урнашкан йортларның берсенә законсыз рәвештә кереп гр-ка Г.ның  электр термопотын, кер юу  һәм тегү машиналарын урлаган. Тик ерак китә алмаган, өйдән чыкканда аны күршеләр күреп алган.

Ялган акча белән түләү

8 декабрьдә кичке сәгать дүртләр тирәсендә билгесез шәхес, Зирекле авылының Яшьләр урамында урнашкан «Зирекле» кафесында аңлы рәвештә, товар өчен 5 мең сумлык ялган акча белән түләгән.

Үтерү белән янау

9 декабрьдә көндезге сәгать икеләр тирәсендә гр. С. Екатерина Бистәсендәге Профсоюз урамында урнашкан үз йортында исерек килеш, кухняда кулына балта тотып гр-ка Т.га үтерү белән янаган.

Руль артында кабат исерек килеш йөрү

7 декабрьдә кичке сәгать дүртләр тирәсендә исерек килеш транспорт чарасы белән идарә итүче гр.Е. ВАЗ-2110 а/м руле артына утырып, Черемухово Бистәсендә ЮТҺ кылган. Ул исерек килеш йөргән өчен машина йөртү хокукыннан мәхрүм ителгән булу сәбәпле, җинаять эше кузгатылган.