Сак булыйк!

автор, 21 июнь 2017 - 05:09

626

Быел март азагында Казан-Оренбург автомобиль юлында ЮТҺ булып, анда безнең район балалары зыян күргән иде.

Алдан бирелгән мәгълүматларга караганда, Горшково авылы ягыннан килүче ВАЗ-11183 автомобиле төп юлдан килүче транспортка өстенлек бирмичә (үткәреп җибәрмичә), комачаулык тудырган һәм РҮХ-нә медицина тикшеренүенә балалар алып килүче (рульдә Ленино мәктәбе укытучысы була) "Лада-219110" автомобиле белән бәрелешкән. ЮТҺ нәтиҗәсендә ВАЗ пассажиры - хатын-кызның күкрәк (түш) сөяге сынган һәм Яңа Чишмә РҮХ-гә китерелгән. Ә "Лада"дагы ике кыз (Ленино мәктәбе укучылары) төрле травмалар алганнар, сәламәтлекләренә җиңелчә зыян килгән. Бу 2017 елның июнь башларында үткәрелгән суд-медицина экспертизасы нәтиҗәсендә ачыкланган.

ЮХИДИ бүлеге тагын бер кат исегезгә төшерә: балалар мәктәп автобусларында гына йөрергә һәм аларны укытучылар озата барырга тиеш.

Айрат Сатдаров,

ЮХИДИ бүлекчәсе инспекторы