-"Сәмум" корабле экипажы белән әлегә видеоэлемтәгә керү мөмкин түгел, чөнки ул диңгезгә чыкты. Егетләр бар да исән-сау, - дип тынычландырды диңгезче егетләрнең әти-әниләрен безнең белән әңгәмәдә район башкарма комитеты җитәкчесе Валентина Семеняк.
Ул телефоннан Кара диңгез флотының кече ракета корабльләренең 41 нче бригада ("Сәмум" да шунда керә) командиры Александр Толмачев белән элемтәгә кергән. Комбриг "Сәмум" корабленең Кара диңгездә Сочи шәһәренә якын җирдәрәк булуын һәм Паралимпия уеннары тәмамланганчы анда буласын, аннан базага кайтасын хәбәр иткән. Шуннан соң шефлыкка алынган корабль экипажы белән телекүпер оештырылачак.
Нет комментариев