Спорт
Самбо буенча турнир
8 октябрьдә Яңа Чишмә БЯСМ-дә егетләр һәм кызлар арасында самбо буенча Республика турниры булып үтте.
Бу турнир СССРның мактаулы химигы, атказанган уйлап табучы, Татарстан Республикасы химигы, СССР Министрлар Советы премиясе, ТАССР Дәүләт премиясе лауреаты, техник фәннәр докторы, профессор Малик Габетдинов истәлегенә багышланган иде.
Ярышларда Казаннан, Яр Чаллыдан, Түбән Кама, Яшел Үзән, Нурлат, Чистай, Болгар, Яңа Чишмә һәм Аксубайдан 89 спортчы катнашты. Яңачишмәлеләр ярышларның бу төрендә призерлар арасына эләкмәде. Киеренке көрәш нәтиҗәләре буенча ярышларда җиңүчеләр һәм призерлар грамоталар, медальләр һәм кубоклар белән бүләкләнделәр.
Район башлыгы Вячеслав Козлов һәм ТР самбо федерациясе Президенты (ярышларның баш хөкемдары да ул) Альберт Вәлиуллов спортчыларга сәламләү сүзләре белән мөрәҗәгать иттеләр.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев