Көн темасы
Бәйрәм чаралары
Алда булачак бәйрәм көннәрендә безнең районда Халыклар бердәмлеге көне һәм Татарстан Республикасы Конституциясе көне хөрмәтенә шактый чаралар планлаштырылган.
Район музейларында "Тарихи хәтер" темасына экскурсияләр, китапханәләрдә "Без бер халык - безнең илебез бер" дип аталган китап күргәзмәләре оештырылып, укучылар белән әңгәмәләр узачак. ҮКС Картлар йортында бәйрәм чаралары үткәрәчәк.
РМЙ-да балалар һәм яшүсмерләр өчен көндез тарихи нәфис фильмнар күрсәтеләчәк.
Бүген, 3 ноябрьдә, ЗАГС бинасында яшь гражданнарга тантаналы шартларда паспортлар тапшырылачак.
4 ноябрьдә Казанда "Безнең йорт - Татарстан" республика этномәдәни фестиваленең гала-концертында безнең коллективлар: "Яңа Чишмә таңнары" дип аталган җыелма казак хоры һәм "Архангел чибәре" вокаль ансамбле дә чыгыш ясаячак.
РМЙ-да һәм авыл мәдәният йортларында 3-5 ноябрьдә бәйрәм концертлары планлаштырылган.
5 ноябрьдә сәгать 10 да "Олимп" УСЗ-да өстәл теннисы буенча район туры узачак.
ТР Конституциясенең 25 еллыгы хөрмәтенә барлык мәктәпләрдә парламент дәресләре булып үтте, 5 ноябрьдә клубларда һәм мәдәният йортларында тематик дискотекалар үткәрү планлаштырыла, музейларда һәм китапханәләрдә күргәзмәләр, кызыклы викториналар һәм конкурслар оештырылачак.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев