Кайбер эшмәкәрләр һәм учреждениеләр безнең мөрәҗәгатьтән соң аз тәэмин ителгән гаиләләргә газ мичләре һәм плитәләр сатып алуда хәйрия ярдәме күрсәттеләр.
Эшмәкәр Ринат Мухитов Волчья Бистәсендә яшәүче Е.Г. Глушкова гаиләсенә һәм Петропавел Бистәсендә яшәүче А.И. Писцовага ике яңа газ миче тапшырган. Хәзер район газ хезмәткәрләре иске мичләрне яңаларына бушлай алыштыралар.
Мәгариф бүлеге хезмәткәрләре үз акчаларына район үзәгендә яшәүче элеккеге хезмәткәрләре, хәзер пенсиядә булган Ф.Ш. Шәйхетдиновага яңа газ плитәсе, ә мәдәният бүлеге хезмәткәрләре Волчья Бистәсеннән пенсионер А.А. Ворожеинага газ плитәсе сатып алганнар.
Социаль яклау бүлеге барлык иганәчеләргә зур рәхмәт белдерә.
Нет комментариев