Быел азык хәзерләү эшләре көннәр яңгырлы торганга бераз соңара төште, һава торышы күпьеллык үләннәрне урып-җыюга керешергә комачаулый.
Азык хәзерләү эшләре башланыр алдыннан район хуҗалыкларында барлык техника һәм азык саклау урыннарын тикшерүгә смотр - конкурс үткәрелде.
ТР Авыл хуҗалыгы һәм азык-төлек министрлыгы вәкилләре катнашындагы комиссия техниканың әзерлеген генә түгел, аптечкалар, ут сүндергечләр, махсус киемнәрнең булуын да (болары да бик мөһим) тикшерде. Ачыкланган җитешсезлекләр бетереләчәк.
"Кулон а/ф, "Игенче" ҖЧҖ, "Яңа Чишмә" а/ф һәм "Козлова М.И." КФХ-да азык хәзерләү техникасының әйбәт хәзерлектә булуы билгеләп үтелде.
Нет комментариев