Иң изге бәйрәм

- Концертта әниләргә багышланган җырлар «Рәйхан» төркеме, «Апа-сеңел» дуэты (Илүсә Гыйльметдинова – Ләйсән Харрасова), Наилә Баһаутдиновалар башкаруында яңгырады. «Василек» театр түгәрәгенә йөрүче балалар катнашында «Өч кыз» әкияте сәхнәләштерелде. Дилә Минабетдинова «Морячка», «Зажигай» биюләрен бүләк итте, «Спаркс» бию төркеме «Фәрештәләр», сәнгать  җитәкчесе В.Гатауллина  башкорт, Гүзәл Әхмәтҗанова татар халык  биюләрен башкардылар. Концерт барышында Шахмай авылында яшәүче Роза Зыятдинова барлык әниләрне дә бәйрәм белән котлады. Концерт күңелдә җылы хисләр калдырды. Әниләр бәйрәм концертында катнашучы үзләренең якыннары, оныклары  өчен чын  күңелдән куанып  утырдылар. 
Мәдәният йорты фойесында бәйрәм кунаклары өчен «Оста куллар» түгәрәгенә йөрүчеләрнең кул эшләреннән күргәзмә оештырылды.