Ункөнлек старт алды

Петропавел авыл мәдәният йорты ансамбле халыкка концерт бүләк иткән. Бу артистлар әби-бабайларны моңлы тавышлары, матур халык җырлары, биюләре белән һәрвакыт куандыра. «Кайгырту» үзәге интернат-йортта яшәүчеләр өчен хәйрия чәчтараш хезмәтләре оештырган.
«Кайгырту» үзәге каршындагы «Звезда» волонтерлар отряды Картлар йортында булганнар, барысын да бәйрәм белән котлаганнар, үз куллары белән ясаган бүләкләрен тапшырганнар. Алар һәркем янына кереп, җылы сүзләр әйтеп, матур шигырьләр сөйләгәннәр, җырлар җырлаганнар. Мондый шәхси котлау барысына да ошаган, чөнки урын өстендә ятучы авыруларга аеруча игътибар һәм ярдәм кирәк.