29 майда Яңа Чишмә ЭЭБ ветераны Рафис Фәттахов үзенең 50 яшьлек юбилеен билгеләп үткән

«Рафис Исмәгыйль улы Яңа Ибрай авылында гади авыл хезмәтчәннәре гаиләсендә туып-үскән. Әтисе Исмәгыйль абый пилорамада, әнисе Мокатдисә апа терлекчелектә эшләгән. Рафис гаиләдә икенче бала була, барлыгы алты бала үскән. Туган авылында 8 сыйныфны тәмамлагач, СПТУга укырга керә, анда шофер һәм эретеп ябыштыручы һөнәренә укый. 1991 елдан ике ел чик буе гаскәрләрендә хезмәт итә, шул исәптән Әфганстан чигендәге Кушка шәһәрендә - таможняда.

Ләкин күңел түрендә Рафис һәрвакыт кешеләрне яклый алырлык һөнәр турында хыялланган. Ике ел армиядә хезмәт итүе бу теләген тагы да ныгыта. Шуңа күрә, эшкә кая барырга дигән сорау тугач, ул озак уйлап тормастан, Яңа Чишмә РЭЭБгә гариза бирә. Милиция бүлеге начальнигы А.Т. Ефимов Рафисны ДПС инспекторы вазыйфасына эшкә бик теләп кабул итә. Нәтиҗәдә, Рафис ИВСның шоферы һәм кизү торучы булып эшли. Гомумән алганда, ЭЭМ системасында ул 20 ел хезмәт куя һәм 2011 елда старшина званиесендә хезмәт стажы буенча эштән китә.

Өч дәрәҗә «Мактауга лаек хезмәте өчен» медальләре һәм ТР ЭЭМнең «Үз бурычына тугрылыгы өчен» Мактау грамотасы белән бүләкләнә.

Лаеклы ялда булса да, Рафис Исмәгыйль улы «Стрела М» ҖЧҖдә сакчы булып эшләвен дәвам итә. ЧОП җитәкчелеге аның турында ышанычлы һәм бик намуслы кеше, диләр. Моннан тыш, Рафис ЭЭБнең беренчел ветераннар оешмасы әгъзасы да булып тора. Аның бердәнбер кызы Ләйлә Чаллыдагы югары уку йортында юридик факультетта укый һәм, бәлки, шулай ук әтисе эзеннән хокук саклау системасына эшкә барыр. 

Яңа Чишмә ветераннар Советы һәм ЭЭБ коллективы исеменнән Рафис Исмәгыйль улын юбилее белән чын күңелдән котлыйбыз, аңа гаилә иминлеге һәм бәхет телибез!