Бу хакта безгә Черемухово Бистәсенең «Берёзка» балалар бакчасы мөдире Елена Корнева хәбәр итте.
- Коллективны һәм балаларны якынлашып килүче Яңа ел белән котларга Черемухово авыл җирлеге башлыгы Елена Сальцина килде. Матур итеп бизәлгән залда чыршы утлары җемелдәде, ә Кыш Бабай һәм Кар кызы, Душечка-Марфушечка һәм башка әкият геройлары балаларның күңелләрен күрделәр. Сабыйлар үзләре дә бәйрәмгә төрледән-төрле костюмнардан килгән иделәр. Барысы да бер мәлгә тылсым-могҗизалар, маҗаралар һәм гаҗәеп сюрпризлар атмосферасына күмелде. Алар биеделәр, җырладылар, шигырьләр сөйләделәр, әйлән-бәйлән уйнадылар, рәхәтләнеп төрле уеннарда катнаштылар. Кыш бабай сабыйларга күптән көтелгән бүләкләрне тапшырды, барысы да бәйрәмнән бик күп уңай эмоцияләр алдылар. Нефть компаниясе (директоры - Илдар Шәйхетдинов) инде өч ел рәттән балалар өчен бүләкләр алуда иганә ярдәме күрсәтә. Әти-әниләр һәм балалар әлеге компаниянең барлык хезмәткәрләренә рәхмәт белдереп, аларны якынлашып килүче Яңа Ел белән котлыйлар һәм яңадан-яңа уңышлар телиләр.
Нет комментариев