Бу хакта истә тотыгыз!

Торак йортларда янгыннар еш кына гади янгын куркынычсызлыгы кагыйдәләрен үтәмәү аркасында килеп чыга.
Янгынның сәбәбе-электр-көнкүреш һәм электр-җылыту приборларыннан файдалану кагыйдәләрен бозу, электр челтәрләреннән дөрес файдаланмау. Бу - сүндерелмәгән һәм янмый торган плафоннар белән сакланмаган яктырту лампалары (кыздыру, люминесцент лампалары), тузган электр үткәргечләре һәм бөтенлеге бозылган розеткалар, вилкалар һәм шнурларны төенләп бәйләү, электр челтәрләрен берничә куәтле кулланучыга тоташтыру. Янгын вакытында үз-үзеңне тоту кагыйдәләрен үтәү генә түгел, ә аларны белергә дә кирәк.
Иң төп кагыйдәләрне исегезгә төшерәбез:
- Урын-җирдә тәмәке тартмагыз, тәмәке төпчеген теләсә кая ташламагыз. Нәкъ менә сүндерелмәгән тәмәке янгынның сәбәбе булып тора;
- Электр приборлары челтәренә кертелгән электр приборларын караучысыз калдырмагыз;
- Кечкенә балаларны өлкәннәр күзәтүеннән башка калдырмагыз, шырпы, зажигалка, җиңел кабына торган сыеклыкларны ераграк куегыз.
Югарыда күрсәтелгән кагыйдәләр белән беррәттән йорт хуҗалары мич ягу белән бәйле кагыйдәләрне үтәргә тиеш. Мич алдындагы идәнгә 0,5х0,7 метрдан да ким булмаган зурлыкта калай кадаклап куярга кирәк.
Янган мичләрне күзәтүчесез калдырмагыз, мичне күзәтеп торуны кечкенә балаларга ышанып тапшырмагыз. Төтен юлларын, вентиляция каналларын даими тикшереп, чистартып торыгыз.
Янгын чыккан очракта:
- электр энергиясен токтан өзегез һәм кешеләрне эвакуацияләү өчен чаралар күрегез;
- янгын турында "01», «112" телефоны буенча янгын хезмәтенә хәбәр итегез;
- күршеләрегезне ярдәмгә чакырыгыз һәм кул астындагы чаралар белән янгынны сүндерүгә керешегез;
- тәрәзәләрне һәм ишекләрне ачмагыз, газ краннарын ябыгыз;
- өйдә төтен булса, дымлы чүпрәк аша сулагыз.
Илнур Госсаметдинов, 
МОНД өлкән инспекторы