Черемухово бистәсендә башкарма комитетның яңа бинасы булачак

Төзелеш башкарма комитет биналарын төзү һәм капиталь ремонт буенча республика программасы буенча бара.

Әлеге республика программасы 2016 елдан гамәлгә ашырыла һәм шушы еллар эчендә Татарстанда 100гә якын яңа бина төзелде һәм 300дән артык бина төзекләндерелде.

Яңа Чишмә районында Шахмай һәм Петропавел Бистәсендә ике яңа башкарма комитет бинасы төзелде, калган барлык биналарга диярлек капиталь ремонт ясалды.

Хәзерге вакытта Черемухово авылында башкарма комитетның яңа бинасы төзелә, ул агымдагы елның апрелендә башланган. «Чишмә-сервис» ҖЧҖ төзүчеләре (җитәкчесе Шәүкәт Сабиров) бу вакыт эчендә бинаны төзеп бетергәннәр һәм хәзер эчке эшләр бара – штукатурка, идәннәрне тигезләү, асылмалы түшәмнәр урнаштыру.

Тышкы челтәрләр буенча (суүткәргеч, канализация, җылыту, электрлаштыру) эшләр тәмамланган, газлаштыру өчен проектлау бара.

Эчке эшләр белән беррәттән участокны яшелләндерүгә әзерләү һәм тротуарларны брусчатка белән тигезләү төзекләндерү кебек территорияне төзекләндерү эшләре дә бара.

Шәүкәт Сабиров сүзләренчә, бригада оператив һәм сыйфатлы эшли, төзелеш материаллары белән тәэмин итүдә бернинди тоткарлык юк.

Башкарма комитет бинасы стандарт проект буенча төзелә, ягъни Петропавел һәм Шахмайдагы кебек матур һәм уңайлы булачак.

- Объектны август ахырына файдалануга тапшыру көтелә, - дип ышандырды безне Шәүкәт Сабиров.