Чираттагы гуманитар йөк СВО зонасына китте

Күп кенә яңачишмә-леләр сугышчыларга гуманитар ярдәм күрсәтеп һәм уртак эшкә үз өлешләрен керттеләр.

Безнең хәрбиләргә «гуманитарка»ның бер генә партиясе илтелмәде инде. Чираттагы партия йөк белән волонтерлар Александр Карпов, Илгизәр Насыйбуллин, Илгиз Әхмәтов, Сергей Логинов, Николай һәм Евгений Козловлар китте. Бу юлы егетләргә дүрт мотоцикл, багги, төзелеш материаллары, покрышкалар, генераторлар, бензопилалар, азык-төлек, шәхси гигиена чаралары, медицина кирәк-яраклары, тәм-томнар, шулай ук шәхси посылкалар, хатлар һәм сугышчылар заказ биргән әйберләрне җибәрделәр. Йөкне шулай ук хәрбиләрнең ихтыяҗларыннан чыгып комплектлаганнар.

Волонтерлар Луганск, Донецк, Военовах һәм Северодонецк юнәлешләрендә 10 бушату ноктасында булырга планлаштыралар.

Гуманитар ярдәм җыюда катнашучы һәркем сугышчыларга хәрби вәзгыять һәм көнкүреш авырлыкларын җиңәргә ярдәм итәргә тели һәм китерелгән йөк егетләргә катлаулы шартларны җиңеләйтергә ярдәм итәр дип өметләнә. Безнең яклаучыларга якташларыбызның ярдәме, күңел җылысы, кайгыртучанлык һәм игътибар бик мөһим.

- Туганнары гына түгел, бөтен Яңа Чишмә районы да безнең сугышчыларның исән-сау әйләнеп кайтуларын көтә, - диде район башлыгы Егор Тарнавский.

- Сугышчылар безнең ярдәмгә мохтаҗ һәм без сынатмаячакбыз, гуманитар ярдәм җыю дәвам итәчәк. Безнең хәрбиләргә гуманитар ярдәм җыюда һәм илтеп җиткерүдә катнашкан һәркемгә зур рәхмәт, - дип волонтер Эльмира Насыйбуллина волонтерларның һәрвакыт ярдәм итәргә әзер булуын ассызыклады.

«Без беркайчан да нишләргә дип аптырап кул кушырып утырмадык, чөнки сезнең янәшәдә булуны һәрвакыт беләбез. Сез – безнең өметебез һәм таянычыбыз. Без бергәләп чын-чынлап нык тылга әверелдек», - дип билгеләде ул.