Гаилә, мәхәббәт һәм тугрылык көнендә

Баскыч төбенә ромашкалардан ясалган фотозона куелган иде – Гаилә, мәхәббәт һәм тугрылык көне символы. Биредә кунаклар ромашка такыялары янында фотога төштеләр. Тамаша залына кергәндә дә һәркемгә ромашка бәйләме тапшырылды.

Тантананы «Архангельская краса» ансамбле башкаруында «Храните друг друга во все времена» гаилә гимны ачып җибәрде. Иң беренче юбилярларны котладылар. Алар арасында бергә 25 елдан 60 елга кадәр бергә яшәгән парлар бар иде.

Алып баручылар һәр гаиләнең барлыкка килүе, хезмәт эшчәнлеге һәм әхлакый кыйммәтләре турында җентекләп сөйләделәр.

Быел «Мәхәббәт һәм тугрылык өчен» медале Тубылгытау авылыннан Нәфис һәм Гөлназ Исмәгыйлевларга бирелде. Бу авыл – гаилә башлыгының туган җире. Чаллы кызы Гөлназ 18 яшендә аның хатыны булырга ризалык биргән. Исмәгыйлевлар гаиләсе нык, тату һәм башкалар өчен лаеклы үрнәк булып тора. Ир белән хатын дүрт бала үстергәннәр, алты оныклары бар. Уллары Эльнар илне СВОда яклый, Әфган сугышы ветераны булган әтисенең хәрби традициясен дәвам итә. Кызлары Эльмира ире Илгизәр белән волонтерлык эшчәнлеге белән шөгыльләнә - СВОдагы якташларына булыша. Бу елның 14 августында ир белән хатынның бергә кушылуына 35 ел тула.

Бриллиант туйларын – бергә яшәүләренең 60 еллыгын 26 июньдә Чаллы Башы авылыннан Флюра һәм Әзгать Габдуллиннар билгеләп үткән. Озак еллар гаилә башлыгы туган авылында механизатор, хатыны сыер савучы булып эшли. Алар өч бала үстерәләр. Алты дистә ел эчендә аларның хисләре тормыш сынаулары белән чыныга, ныгый.

Алтын туйны берьюлы ике пар билгеләп үтә: Чаллы Башыннан бриллиант юбилярлар Халит һәм Рәхимә Исмәгыйлевлар, Яңа Иванаево авылыннан Валерий һәм Наталья Трифоновлар. Хезмәт сөючән гаиләләрнең икесен дә үз авылларында хөрмәт итәләр. Тегеләре дә, болары да икешәр бала үстергәннәр, дүртәр оныклары бар.

Быел Екатерина Бистәсендә яшәүче Борис һәм Мария Поляковларның 45 еллыгы. Аларның өч искиткеч оныгы бар,  рәхәтләнеп әби-бабайлары янына каникулларга кайталар.

Поляковларның авылдашлары Александр һәм Марина Хорьковлар 25 ел бергә, дүрт бала үстергәннәр, әлегә бердәнбер оныкларына сөенеп бетә алмыйлар. Бу парларның барысы да – чын мәхәббәт, тугрылык һәм үзара аңлашу үрнәге.

Район башкарма комитеты җитәкчесе Егор Тарнавский парларга рәхмәт хатлары, чәчәкләр һәм кыйммәтле бүләкләр тапшырды.

Ел саен Татарстан Республикасында яшәүче хатын-кызларга беренче бала өчен акчалата сертификат тапшырыла. Бәйрәмдә аны Андрей һәм Екатерина Завалишиннарның яшь гаиләсе алды, аларның быел февраль аенда кызлары туган. 

Өченче ел СВО бара. Якташларыбыз да Ватаныбыз чикләрендә торалар. Аларны елга ике тапкыр кыска вакытлы ялга җибәрәләр. Өч ел эчендә күп кенә гаиләләр яңа сабыйлар белән тулыланды. Бәйрәмгә килүчеләр арасында Тубылгытаудан Илназ Абдрафиковның хатыны Алинә һәм  кызы белән улы; Яңа Чишмәдән дүрт баласы белән Николай Кузьминның хатыны Валентина; Тубылгытау авылыннан Алексей Павлихинның хатыны Юлия, гаиләләрендә май аенда икенче уллары туган; Архангел Бистәсеннән биш кызы белән (кечесенә 4 июльдә бер яшь тулган) Михаил Рукавишниковның хатыны Екатерина бар иде. Алып баручылар һәр сугышчының биографиясе, аларның хезмәте һәм бүләкләре турында җентекләп сөйләделәр.

Барлык гаиләләр, әлбәттә, якыннарының тизрәк өйләренә кайтуларын көтәләр.

Аларны котлау һәм бүләкләр тапшыру өчен сәхнәгә юбилярлар – Александр һәм Марина Хорьковлар чыкты. Гаилә башлыгы – СВО катнашучысы, хатыны –волонтер. Алар сугышчыларның хатыннарын бәйрәм белән котладылар һәм исәнлек-саулык, бәхет теләделәр.

-Сез нинди батыр булырга тиеш, - дип мөрәҗәгать итте аларга Марина Хорькова. - Гаиләгезне, гаилә учагыгызны саклагыз, ирләрегезне кадерләгез һәм көтегез – алар өчен бу бик мөһим. Алар барысы да безнең геройлар!

Александр билгеләп үткәнчә, сугышчыларыбыз өчен гаилә – яшәү һәм җиңү теләгенең нигезе.

 - Ирләрне көтү, ышану, алар өчен дога уку - зур батырлык ул, - диде ул.  - Сез аларга алга барырга көч бирәсез һәм алар артында үзегезнең  иң ышанычлы һәм иң яхшы тыл икәнегезне һәрвакыт истә тотарга тырышасыз.

Яңа Чишмәдә яшәүче 9 яшь кеше СВО катнашучысы Николай Темников кулыннан РФ гражданнары паспорты алу хөрмәтенә лаек булдылар. Россия һәм Татарстан гимннары аларның тормышларындагы төп документны тапшыру тантанасын төгәлләде.

Бәйрәмне район мәдәният йорты, авыл мәдәният йорты артистлары һәм балалар мәктәбендә тәрбияләнүчеләр башкаруында концерт номерлары бизәде. Бәйрәм мәдәният йортының бизәлгән ишеге янында барлык катнашучыларның уртак фотосы белән тәмамланды.