Яңа Чишмә мәдрәсәсенә йөрүче балаларга Яңа ел пакетлары тапшырылган

 «Кичә мәчет яны мәдрәсәсенә укырга йөрүче бер төркем балаларга район хакимияте исеменнән тәм-томнар тутырылган Яңа ел  пакетлары тапшырылды. Балалар моңа бик сөенделәр һәм бүләкләр өчен рәхмәтләрен җиткерделәр. Форсаттан файдаланып, мәчетләребезгә һәрдаим ярдәм кулы сузып, булышып торган, мөрәҗәгатьләребезгә битараф булмаган район  башлыгы Вячеслав Михайлович Козловка һәм башка бик күп хезмәткәрләргә ихлас рәхмәтләребезне ирештерәбез. Аллаһ  Сөбһанә вә Тәгалә һәр изге  гамәлегездән разый булсын. Районыбызда төрле милләт вәкилләре яшәүгә карамастан, киләчәктә дә шулай дустанә мөнәсәбәттә, тыгыз элемтәдә бердәмләшеп яшәргә, динебезне саклап калуда һәм үстерүдә халкыбызга  намуслы хезмәт итәргә язсын. Ике дөнья рәхәтенә ирешергә насыйп булсын».