Петропавел мәдәният йортында маскировка челтәрләрен үрү буенча акция узган

Безнең максат - СВО зонасындагы сугышчыларга ярдәм итү. Авылдашлар мәдәният йортына шундый инициатива белән җыелганнар. Бу хатын-кызлар, әниләр һәм апалар - авылның чын горурлыгы һәм активисткалары.

Өй эшләре белән мәшгуль булуларына да карамастан, авыл хатын-кызлары Ватанны саклаучылар өчен маскировка челтәрен үрүдә ярдәм итәргә вакыт һәм көч тапканнар. Әниләр бу эшне үзләренең күңел җылысын салып башкарганнар. Сугышчылар өчен маскировка челтәре - ул бронежилет та, дошманны алдар һәм ориентировкалардан мәхрүм итәр өчен, позицияләрне яшерергә мөмкинлек бирә торган саклану чарасы да.

Авыл халкы үзләренең улларын гына түгел, бөтен солдатларыбызны да пулядан сакларга телиләр. Хәрбиләрнең барысы да исән-сау әйләнеп кайтсыннар иде. Барыбызга да тыныч күк йөзе насыйп булсын. Мәдәният хезмәткәрләре барлык катнашучыларны да гаять зур тырышлыклары һәм катлаулы эштә катнашулары өчен рәхмәт белдергәннәр.