Шахмай музеенда «Балалар белән эшлибез» дигән мастер-класс үткәрелгән

Кар бөртекләре - табигатьнең гаҗәеп матур иҗаты, чын могҗиза. Якты асылташлар кебек, бу кечкенә боз кристаллары үзенчәлекле һәм кабатланмас булулары белән сокландыра. Аларның формалары искиткеч күптөрле.

«Башлангыч сыйныф укучылары үз куллары белән кышкы табигатьнең асылташларын ясадылар. Әлеге мизгелләр балаларга күтәренке рух, якты кәеф өстәде, укучыларга иҗатка сәләтләрен тулысынча ачарга ярдәм итте»,- дип хәбәр итте редакциягә Гөлүсә Баһаветдинова.

Салкын саф һава,

Йомшак кар ява.

Урамга чыксаң,

Битләр кызара.

Кар бөртекләре

Өстеңә куна,

Үзләре матур

Һәм салкын була.