Ураза гаете белән!

Район башлыгы Вячеслав Козлов һәм башкарма комитет җитәкчесе Ринат Фәсахов районның барлык мөселманнарын бәйрәм белән котлыйлар. Котлауда ай дәвамында мөселманнарның ризыктан тыелып торулары — ураза тотулары, күркәм эш-гамәлләр башкарулары, ифтар-мәҗлесләре оештырулары, тәравих намаз укулары һәм көн саен догалар укып, рухи байлыкка ирешүләре билгеләп үтелә.

Ураза бәйрәме һәр йортка, һәр гаиләгә исәнлек-саулык, иминлек, игелекле эшләрендә уңышлар, мәхәббәт һәм бәхет алып килсен, Рамазан аендагы изге ниятләр һәм кылган гамәлләр мөселманнарның эшләрендә дәвам итсен, дигән теләк теләнә.

Район мәчетләрендә бәйрәм вәгазе һәм гает намазлары 10 апрельдә иртәнге сәгать 5тә булачак.