«Үз планетаңны сакла, чөнки ул берәү генә»

Бу — Җир шарында яшәүче барлык кешеләргә экологик проблемалар турында искәртү көне, чөнки алар кешелекнең юкка чыгу куркынычын тудыра. Бу — һәр кешене киләчәк буыннар өчен табигатьне саклап калу өчен ниләр эшли алуы турында уйланырга мәҗбүр итү.

Әлеге көн уңаеннан «Мирхәйдәр Фәйзи исемендәге Шахмай авылы тарихы музее» филиалы мөдире «Ромашка» балалар бакчасында тәрбияләнүчеләр өчен «Үз планетаңны сакла!» дигән дәрес үткәргән.

Дәрес барышында балалар экологиянең нәрсә икәнен белгәннәр, кешеләрнең табигатькә нинди зыян китерүләре һәм аны саклап калу өчен ниләр эшләргә кирәклеге турында фикер алышканнар. Балалар викторина сорауларына җаваплар биргәннәр, үсемлекләр, хайваннар һәм кошлар турында табышмаклар чишкәннәр. Чүп-чарларны аерып, төрле пакетларга тутырганнар, табигатьне сакларга өндәүче рәсемнәрне буяганнар.