Яңа Чишмә районында Бөек Ватан сугышы ветераннары нибары бишәү генә калган

Өлкәннәр ункөнлеге кысаларында Яңа Чишмә районы башлыгы Вячеслав Козлов һәм район башкарма комитеты җитәкчесе Ринат Фәсахов биш Бөек Ватан сугышы ветераны янында булганнар.

Григорий Быков, Мансур Габбасов, Хәниф Зарипов, Гарифулла Минкәев һәм Иделбай Макишев – менә алар, хөрмәткә лаек ветераннарыбыз. Район җитәкчелеге аларның батырлыклары, яшь буын өчен үрнәк булулары өчен рәхмәт сүзләре белән мөрәҗәгать иткәннәр. Барлык ветераннарга да азык-төлек җыелмалары тутырылган пакетлар тапшырылган, нык сәламәтлек, балаларының һәм оныкларының игътибарын тоеп яшәүләрен теләгәннәр.

 Бу хакта без https://vk.com/novosheshminskvk -  битеннән белдек, әлеге сайтта шулай ук Өлкәннәр көне уңаеннан 1000нән артык яңачишмәле азык-төлек җыелмалары алачак, диелгән.