Татарстанда якындагы көннәрдә коры һава торышы сакланачак, әмма атна ахырына республикага яңгырлар киләчәк. Бу хакта ТР Гидрометүзәгендә хәбәр иттеләр.
Дүшәмбе, 16 ноябрьдә, явым-төшем булмады, көндез һава +1...+3 градуска кадәр җылынды.
Сишәмбе, 17 ноябрьдә, республиканың күпчелек өлешендә явым-төшем көтелми. Көнчыгышта урыны белән кар явуы ихтимал. Төнлә температура 0...-5 градуска кадәр төшәчәк, көндез -2 ...+2 градуска кадәр булачак. Тәүлек буена урыны белән томан һәм бозлавык булуы ихтимал.
Чәршәмбе, 18 ноябрьдә, сизелерлек явым-төшем көтелми. Төнлә -1...-6 градуска кадәр суытачак, көндез -1...+2 градуска кадәр булачак. Төнлә һәм иртән урыны белән томан булуы ихтимал.
Пәнҗешәмбе, 19 ноябрьдә, Татарстанга атлантик циклон йогынты ясаячак. Төнлә юеш кар, көндез яңгыр көтелә. Төнлә 0...-5 градус, көндез +1...+4 градус булачак. Юлларның аерым участокларында төнлә һәм иртән бозлавык булуы ихтимал.
Синоптиклар фаразлавынча, 20 һәм 21 ноябрьдә республикада яңгырлар явачак. Көндез һава +2...+5 градуска кадәр җылыначак.
Нет комментариев