"Җиңү өчен 100 балл»

Ел саен акция кысаларында БДИда югары баллар алган чыгарылыш сыйныф укучылары мастер-класслар үткәрәләр һәм үзләренең тәҗрибәсе һәм югары сыйныф укучылары белән БДИга уңышлы әзерләнү серләре белән уртаклашалар. Өлкән сыйныф укучылары белән бу очрашу БДИга әзерлек белән бәйле артык киеренкелекне бетерергә һәм балаларны уңышка этәрүгә юнәлдерелгән.
2019 елда акция Россиядә Театр елына багышлана. Анда катнашу өчен Яңа Чишмә гимназиясенә алдагы елларда рус теле буенча югары балл җыйган 3 студент килде: Яңа Чишмә урта мәктәбен тәмамлаган КДМУ студенты Аделия Фазлыева һәм Яңа Чишмә гимназиясен тәмамлаган - КДАУ студенты Регина Мотыйгуллина һәм КФУ студенты Таңсылу Сабирова.  Очрашуда шулай ук мәдәният бүлеге начальнигы Галина Носова һәм укыту-методик эш буенча район мәгариф бүлеге начальнигы урынбасары Гөлфия Сираева катнашты. 
Югары балл җыйган студентлар имтиханнарга ничек әзерләнүләре турында сөйләделәр, уңыш серләре белән уртаклаштылар, унберенче сыйныф укучыларының сорауларына җаваплар бирделәр.  Мәгариф бүлеге белгечләре Ләйсән Нурхамәтова һәм Любовь Хорькова тарафыннан Театр елына багышланган төрле уеннар, тренинглар, рус теле буенча сорау-сораштыру оештырылды. Очрашу чәй табыны артында узды, имтиханнарда һәм һөнәр сайлауда уңышлар теләп тәмамланды.