Хуҗабикәләр колагына
Аш-су остасы Мәрьям Миңнегуловадан кабак белән әфлисуннан бик тә тәмле сок рецепты
5 кг әрчеп туралган кабак өстенә 11 литр салкын су салабыз да кайнатырга куябыз.
Кайнап чыгар дәрәҗәгә җиткәч, 6 әфлисунны кабыгыннан арындырып салабыз, мин өчесен кабыгы белән салдым. Кабак белән әфлисун изелеп пешергә тиеш. Икенче кәстрүлгә сөзеп салабыз.
Төбендә калган йомшагын блендер белән издертеп алып сөзеп бетерәм. Шушы массага барлыгы 1,2 кг шикәр комы, 2 аш кашыгы лимон кислотасы салып кайнатырга куям, кайнап чыккач, 5 минут кайнатам. Өстенә чыккан күбекләрне җыям. Стерильләштерелгән банкаларга ябып куям. Минем барлыгы 15 литр чыкты.
Мәрьям Миңнегулова
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев