Тарталетка эчендә жюльен рецепты

Кирәкле кушылмалар: тарталеткалар, тавык ите, шампиньон гөмбәсе, суган, сарымсак, сыр, тоз, борыч, 20 процентлы сливки.

Тураган тавык итен табада кыздырыгыз, шуңа туралган шампиньон, суган, сарымсак салып кыздырыгыз, тәменчә тоз, борыч, сливки өстәгез, 20-25 минут пешерегез. Әзер эчлекне тарталеткаларга тутырыгыз, өстенә уылган сыр салыгыз. Тарталеткаларны 180 градус кызулыктагы газ миченә куеп кызартып алыгыз.