Бер «канат» астында ике дин

Озак еллар дәвамында районда, бөтен илдәге кебек үк, гыйбадәт йортлары җимерелгәч, әхлак та какшады. 1980 еллар ахырында гына, илебез халкы дин иреге алгач кына, Яңа Чишмә районында да дин яңадан торгызыла башлый. 1990 елда ук район җитәкчелеге ярдәме белән борынгы мәчетләр һәм гыйбадәтханәләр ачыла, җимерелгән корылмаларны торгызу һәм яңаларын төзү башлана. 

Ислам нуры беркайчан да сүнмәсен

1989 елда ук Акбүре авылында мәчет (Мәхмүт мәчете) төзелә башлый, ә бер елдан соң аның тантаналы ачылышы була.

Шул ук 1990 елда Зирекле авылында мәчет бинасы культ статусына күчә (1905 елда төзелгән), ул 1983 елдан яшьләргә - клуб буларак тапшырыла.

1991 елда авылларда төзелгән мәчетләр ачыла: Тубылгы Тау, Чаллы Башы, Акъяр һәм Әдәмсәдә исә борынгы мәчетләр ачыла.

Чертуш авылында (1993 ел), Шахмайда (1994 ел), Акбүредә тагын бер мәчет (Нургаяз мәчете - 1996 елда), Сөлчә Башта (1997 ел), Яңа Чишмәдә (1998 ел) мәчетләр төзелә.

2021 елда Бакташ поселогында, ә 2022 елда Акъяр авылында иске мәчет урынында яңа мәчет төзелә.

Мәчетләрдә азан, ә чиркәүдә чаң тавышы ишетелеп торсын.

 Яңа Чишмәдә 1995 елда төзелгән Изге Богородица Покровы хөрмәтенә төзелгән гыйбадәт кылу йортында (Молитвенный дом) беренче тапкыр чаң тавышы ишетелә. 

«10 елдан артык гыйбадәт кылу йортында, аеруча бәйрәм көннәрендә, мәхәллә кешеләре өчен урын бик тыгыз иде. Дин тотучылар 1794 елда Троица Живоначальная һәм Покров Пресвятой Богородицы престоллары белән төзелгән Троица чиркәве территориясен җыештыруга үз өлешләрен кертәләр», - дип искә ала ул вакыттагы мәхәллә башлыгы иерей Петр атакай.  Ремонттан һәм реставрациядән соң храмда беренче гыйбадәт кылу 2011 елда узган. Ә гыйбадәт кылу йорты аш бүлмәсе итеп үзгәртелә.

2008 елда район үзәгенең авыл зиратында часовня төзелә, ул Ксения Петербургская хөрмәтенә изгеләндерелә.

 Архангел Бистәсендәге Вознесение чиркәве (1876 елда төзелгән) 1994 елда гыйбадәт кылуны яңарта. Храм җимерелгәннән соң 87 ел үткәч, ул вакыттагы Горький исемендәге колхоз рәисе Евгений Белоглазов аны торгызу эшләренә алына. Бүгенгесе көндә иерей Георгий атакай гыйбадәтханәнең беренче һәм бердәнбер настоятеле булып хезмәт итә.

Ленинода Димитрий Солунский чиркәве 2009 елда ачылган, әмма 1913 елда бинада янгын чыга. Яңа урында яңа чиркәү ел дәвамында төзелә. 

2010 елда Горшково авылында Петр һәм Павел чиркәве төзелә башлый.  Павел Носов биргән төзелеш идеясен бөтен авыл халкы хуплый, Панфиловлар, Митрофановлар, Антоновлар гаиләләре төзелешне оештыручылар була. 2012 елда ул барлык дин тотучылар өчен үз ишекләрен ача.

Екатерина Бистәсендә «Шешминский» совхозы акчасына Великомученица Екатерина хөрмәтенә гыйбадәтханә төзелә.

Петропавел Бистәсенең Никольский гыйбадәтханәсендә (1885 елда төзелгән) бәйрәм гыйбадәтләре 90 нчы еллар уртасында башланган. Ә 2013 елның 29 маенда хәйрияче Николай Козлов акчасына төзелгән Николай Чудотворец хөрмәтенә яңа гыйбадәтханә ачыла һәм изгеләндерелә.

Черемухово Бистәсендә 2011 елда җирле агрофирма акчасына Архистратиг Михаил храмы торгызыла.

Волчья Бистәсендә 2015 елда меценат Вячеслав Улитин ярдәме белән төзелгән Косма һәм Дамиан чиркәве ачылган.

2017 елда Әдәмсәдә 1874 елда төзелгән иске гыйбадәтханә урынында Казан Изге Ана иконасы хөрмәтенә яңа чиркәү төзелә.