D витамины — кояш нуры тәэсирендә тиредә синтезлана торган бердәнбер витамин.
Көз-кыш айларында кояш активлыгы кими, шуңа күрә аны ризык яки өстәмә чыганаклар аша алу мөһим. Ул организмда кальций һәм фосфор кабул ителсен өчен, иммунитет ныгысын, кәеф күтәрелсен һәм йөрәк-кан тамырлары сәламәтлеге өчен кирәк.

Профилактик дозалар (анализсыз кабул итү өчен)
Әгәр сездә җитди авырулар юк икән, табиблар түбәндәге профилактик дозаларны тәкъдим итә:
Яшьләр һәм урта яшьлеләр (18–50 яшь): Көн саен 600–800 МЕ. Бу күләмне кышкы чорда (октябрь-апрель) кабул итү яхшы.
Өлкәннәр (50 яшьтән өлкәнрәк): Көн саен 800–1000 МЕ.
Йөкле һәм бала тудыручы хатыннар: Көн саен 800–1200 МЕ.
Гомуми профилактик доза: Кайбер белгечләр көн саен 1000–2000 МЕ дозаны анализларсыз кабул итәргә мөмкин дип саный.
Д витаминын кайбер башка витаминнар һәм минераллар белән бергә эчү бик мөһим. Бу аның организмда яхшырак сеңүенә һәм файдасын арттыруга ярдәм итә.
- К2 витамины – Д витаминының иң яхшы «партнеры». «D3 + K2»дигән кушылма бүген медицинада алтын стандарт санала.
Д витамины ризыктан кальцийны сеңдерә, ә К2 витамины шул кальцийны кан тамырларына түгел, ә сөякләр һәм тешләргә юнәлтә. Бу кан тамырларында кальций туплану (склероз) куркынычын киметә.
Магний
Д витамины организмда «эшләсен» өчен, магний кирәк. Әгәр организмда магний җитмәсә, Д витаминының файдасы булмаска, хәтта зыян булырга мөмкин. Шуңа күрә Д витаминын кабул иткәндә, магнийга бай ризыклар (чикләвекләр, яшел яфраклы яшелчәләр, карабодай, банан) ашарга кирәк.
Майлар (Омега-3 һәм файдалы майлар)
Д витамины — майда эри торган витамин.
Аны ач карынга су белән генә эчсәң, ул сеңмәячәк. Шуңа күрә Д витаминын иртәнге аш яки төшке аш вакытында, составында май булган ризыклар белән (мәсәлән, йомырка, сыр, кызыл балык, зәйтүн мае, чикләвекләр) бергә эчү иң дөрес юл.

А витамины
Д һәм А витаминнары бергә бик яхшы эшлиләр (мәсәлән, балык маенда алар икесе дә бар). А витамины иммунитетны ныгыта һәм Д витаминының эшенә булышлык итә. Ләкин аларны бик зур дозаларда бергә эчү дөрес түгел, баланс сакларга кирәк.
В төркеме витаминнары (В6, В9, В12)
Алар Д витамины белән турыдан-туры бәйләнмәсә дә, нерв системасы һәм иммунитет сәламәтлеге өчен бергәләп эшлиләр. Күп кенә комплекслы витамин препаратларында алар бергә кертелгән.
Нәрсә белән бергә эчәргә ярамый?
Е витаминының зур дозалары: Д витаминын Е витаминының бик зур дозалары белән бергә эчү аның үзләштерелүенә комачауларга мөмкин. Әгәр дә сездә комплекслы витаминнар булса, андагы дозалар куркыныч түгел, ләкин аерым Е витаминын зур дозаларда Д белән бергә эчмәгез.
Иң яхшысы — табиб белән киңәшләшеп, D3 + K2 кушылмасын яки Д витаминын магнийга бай ризыклар белән бергә кабул итү. Әгәр дә сез комплекслы препарат сайлыйсыз икән, составында К2 һәм магний булуына игътибар итегез.
Сәламәт булыгыз!
Нет комментариев