Яңа Чишмәдә Корбан мәҗлесе

Безнең районда мәчет имамнары һәм Татарстан мөселманнары Диния нәзарәтеннән кунаклар чакырып Корбан бәйрәме уңаеннан бәйрәм мәҗлесләре үткәрү инде күркәм традициягә әверелде.

Безнең районда мәчет имамнары һәм Татарстан мөселманнары Диния нәзарәтеннән кунаклар чакырып Корбан бәйрәме уңаеннан бәйрәм мәҗлесләре үткәрү инде яхшы традициягә әверелде.

Бу игелекле эшкә тугры калып, 9 июльдә Яңа Чишмә мәчетендә бәйрәм мәҗлесе уздырылды, анда мәчет имамнары һәм район мөхтәсибәтенә даими ярдәм итүче эшмәкәрләр чакырылды.

Мәҗлесне ачып, районның имам-мөхтәсибе Раил хәзрәт Фәгыйзов өстәлләрне әзерләүдә ярдәм иткән барлык иганәчеләргә һәм меценатларга рәхмәт белдерде. Алар арасында эшмәкәрләр Ришат Нуртдинов, Рәфис Вафин, Гөлсирә Исмәгыйлова һәм башкалар бар, ә Корбан сарыгы район башлыгы Вячеслав Козловның шәхси акчасына сатып алынган.
Безгә кунакка Татарстан мөфтие урынбасары, ТР мөселманнары Диния нәзарәтенең Көньяк төбәге казые, Аксубай районы имам-мөхтәсибе Равил хәзрәт Зөфәров килде. Ул Татарстан мөфтие Камил хәзрәт Сәмигуллин исеменнән барысын да җылы сәламләде, вәгазь сөйләде, районда яшәүчеләрнең барысына да сәламәтлек, тынычлык һәм иминлек теләде.
Аксакаллар Шурасы рәисе Раиф Мохтаров һәм эшмәкәр Ришат Нуртдинов та барысына да тынычлык һәм иминлек теләде, мөхтәсибәтнең уңай эшен билгеләп үтте.
Бәйрәм ашыннан соң Раил хәзрәт Фәгыйзов бәйрәмне оештыруда һәм үткәрүдә ярдәм иткән һәркемгә тагын бер тапкыр рәхмәтен җиткерде.