Тубылгы Тауда «Иманлы бала» дигән бәйге оештырылган

Әлеге бәйге хакында редакциягә Яңа Чишмә "Ак калфак" татар хатын-кызлар оешмасы җитәкчесе Илсөяр Дәүләтшина хәбәр итә.

Быел Идел буе Болгар дәүләтендә Ислам динен кабул итүгә 1100 ел тула.
Ислам дөньясында баланың тууыннан алып балигъ булуына кадәр тәрбия, әдәп-әхлакка өйрәтү, гыйлем бирү процессы аерым бер урын алып тора. Аеруча зур игътибар ата һәм ананың тәрбиясенә бирелергә тиеш. Шуңа күрә динебездә балаларга гаять зур ихтирам һәм дәрәҗә бирелә. Гаиләнең дәвамы - балалар. Балалар булмаса - гаилә бетә, гаилә бетсә - милләтнең тамыры өзелә. Без шул нисбәттән "Ак калфак" татар хатын-кызлар оешмасы һәм авыл хәзрәтләре белән берлектә "Иманлы бала" дигән корьән сүрәләре уку бәйгесе оештырдык. Бәйгедә 18 бала катнашты.
6-8 яшьлек балалар арасында:
1 урын - Кәримова Ханифә
2 урын - Гибадуллина Мәрьям
3 урын - Яковлева Камилә
9-12 яшьлекләр:
1 урын - Хәсәншова Нәбилә
2 урын - Баһаутдинова Зөлфия
3 урын - Кәримова Рухия
13-15 яшьлекләр:
1 урын - Хамәтвәлиев Таһир
2 урын - Галиева Мәликә
3 урын - Мифтахетдинов Рәзил.
Бәйгедә катнашучы барлык балаларга дипломнар һәм бүләкләр тапшырылды.
Бәйгене бәяләүче мөгаллимәләр: Гөлшат Вагыйзова, Камилә Әшраповага, бәйгенең иганәчесе булган авыл хәзрәтләренә олы рәхмәтебезне белдерәбез.