Яңа Чишмәдә янгын чыккан

«Көнбатыш» микрорайонында Өмет урамындагы ике кечкенә баласы булган гаилә яшәгән йорт янган.

Янгын часте начальнигы Илнур Госсаметдинов хәбәр иткәнчә, янгынның башлангыч сәбәбе - мунча миченең кызуы. Аннары ут өйгә күчкән (мунча һәм йорт бер түбә астына урнашкан) һәм йортның түшәменә, стенасына зыян килгән.

Оператив рәвештә килгән янгын сүндерүчеләр утны тиз арада сүндергәннәр. Кешеләр зыян күрмәгән.