Яңа Чишмәдә исерек килеш транспорт белән идарә итүче шоферны хөкем иткәннәр

2023 елның 28 июнендә көндезге сәгать 11дә Яңа Чишмә авылында яшәүче 38 яшьлек гр. О. М. Фомичев ВАЗ 21101 а/м руле артында исерек хәлдә Яңа Чишмә авылының Чернышевский урамындагы 20 нче йорт янында булган.

Алкотестерда тикшерү аның исерек булуын күрсәткән.

Гр. О. М. Фомичев эшне карап тикшерүгә килмәгән, судка килмәү сәбәбен әйтмәгән.

Яңа Чишмә мировой суды карары белән гр. О. М. Фомичев РФ КоАПның 12.8 маддәсе 1 өлешендә каралган хокук бозуда гаепле дип танылган, аңа 1 ел да 6 айга машина йөртү таныклыгыннан мәхрүм итеп, 30 мең сум штраф билгеләнгән.

— Карар 2023 елның 8 августында законлы көченә керде, — дип хәбәр итә районның ЮХИДИ идарәсе начальнигы Евгений Михайлов.