Прокуратура алиментны түләү кирәклеге турында аңлата

Россия Федерациясенең Гаилә кодексы (РФ ГК) тарафыннан билгеләнгән алимент түләү бурычы балигъ булмаган балаларның үсеше, тәрбияләү һәм белем бирү өчен кирәкле булган тормыш шартларын тәэмин итүгә юнәлдерелгән.
РФ ГК ның 80 маддәсе 1 пунктына  туры китереп ата-аналар үзләренең балигъ  булмаган балаларын карарга тиеш, өстәвенә балигъ булмаган балаларын карау тәртибе һәм  формасын  ата-аналар үзләре билгели. Гаилә законы  алиментны ике якның килешүе буенча түләүне күздә тота. Әгәр дә ата-аналар үзләренең балаларын карарга булышмаса, бу очракта  алимент ата-аналардан суд тәртибендә түләттерелә.
Алимент түләмәгән очракта, законнар чыгаручы тарафыннан административ хокук бозулар турында Россия Федерациясе Кодексының 5.35  маддәсе 1 өлеше буенча административ җаваплылык билгеләнгән, җаваплылык чарасы булып 150 сәгатькә чаклы срокка мәҗбүри эшләргә тарту яисә 10-15 тәүлеккә чаклы административ кулга алу яки егерме мең сум күләмендә административ штраф салу тора.
Шулай ук, алимент түләмәгән өчен Россия Федерациясе Җинаять кодексының 157 маддәсе 1 өлеше буенча җинаять җаваплылыгы каралган. Әлеге  маддә буенча җәза бирү сыйфатында бер елга чаклы төзәтү эшләре, яисә бер елга чаклы иректән мәхрүм итү каралган.