Тәртип бозулар ачыкланган

Яңа Чишмә районы прокуратурасы дәүләт һәм муниципаль ихтыяҗларны тәэмин итү өчен товарлар сатып алу, эш һәм хезмәт күрсәтү өлкәсендә контракт системасы турындагы законның үтәлешенә тикшерү үткәргән. Тикшерү “Яңа Чишмә район үзәк хастаханәсе” ГАУЗ-да үткәрелгән. Ачыкланганча, закон таләпләрен бозып учреждение сатып алулар өлкәсендә дәүләт контрактларын башкару (үтәү) турындагы мәгълүматларны бердәм мәгълүмат системасына кертми.
Ачыкланган тәртип бозулар булу сәбәпле район прокуроры “Яңа Чишмә РҮХ” ГАУЗ ның контракт идарәчесенә карата РФ КоАП-ның 7.32.3 маддәсе, 4 өлешендә каралган административ тәртип бозулар турында эш кузгаткан.
Тикшерү материаллары белән карар төп мәсьәлә буенча карап хәл итү өчен Татарстан Республикасы буенча РФ монополиягә каршы федераль хезмәт Идарәсенә җибәрелгән.
Прокурор тәэсир итү акты карап тикшерү стадиясендә. 
Маддә санкциясе 2 мең сумнан алып 5 мең сумга чаклы күләмдә штраф салуны күздә тота.