Безнең шәкертләр дә катнашты

автор, 25 апрель 2014 - 04:23

699

Яр Чаллы шәһәрендә чираттагы республикакүләм Коръән уку бәйгесе узды. Инде 19 нчы тапкыр уздырыла бу бәйге.

Безнең шәкертләребез быел да шушы бәйгедә катнашты. Алар: Сөләйманов Мансур, Хөснетдинов Нәфис, Миргазова Сөмбел, Шакирова Зөһрә һәм Зарипова Әлфинә. Район буенча уздырылган коръән уку бәйгесендә 3 нче урынны алган кызыбыз Әлфинә бу бәйгедә дә 10 яшьтән алып 13 яшькә кадәргеләр арасында 3 урынны алды. Бу бик сөенечле булды. Чөнки әле былтыр гына бу кызыбыз 5 нче урында иде.

Алда зуррак уңышларга ирешергә насыйп булсын аңа.

Ильяс хәзрәт Сөләйманов,

Зирекле авылы