Яңа Чишмә районы мәктәпләрендә «Цифрлы дәрес» булып узган
Чараны ТР Министрлар Кабинеты Баш ветеринария идарәсе начальнигы урынбасары Илдар Нугуманов һәм район башкарма комитеты җитәкчесе урынбасары Луиза Исхаковалар үткәргән.
Чара гимназия һәм Яңа Чишмә урта мәктәбендә узган.
Укучылар «цифрлы куркынычсызлык» төшенчәсенең нәрсә икәнлеген, интернет-мошенникларның «кармагына» эләкмәс өчен ниләр эшләргә кирәклеген, интернет челтәрендә шәхси мәгълүматларның кайсыларын урнаштырырга ярый, ә кайсыларын ярамаганын белгәннәр.
«Заманча цифрлы эра һәр кешегә диярлек йогынты ясый. Шуңа күрә балалар цифрлы технологияләрдән файдалану кагыйдәләренә һәм, гомумән, мәгълүматлардан файдалану кагыйдәләренә өйрәнергә тиешләр. Нәкъ менә шул максат белән мәктәпләрдә цифрлы куркынычсызлык дәресләре үткәрелә дә», - дигән Луиза Исхакова.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев