Республика көнендә Волчья Бистәсендә яңа ФАП ачылды

ФАП җәй дәвамында төзелгән һәм файдалануга әзер. Анда барлык кирәкле җиһазлар белән процедура кабинеты, балаларны кабул итү бүлмәсе, фельдшер кабинеты бар, шулай ук компьютер урнаштырылган.
ФАПны ачу тантанасында катнашкан район башлыгы Вячеслав Козлов авыл халкын бәйрәм һәм истәлекле вакыйга белән котлады.
- Әлеге проект ярдәмендә безнең районда инде 15 шундый модульле акушерлык пункты төзелде, - дип билгеләп үтте ул. - Мин ФАПның озак эшләвен, биредә авыл халкының сәламәтлеге тагы да яхшыруын телим.
РҮХ баш табибы вазыйфаларын башкаручы Наталья Роменская да авыл кешеләрен котлады. Ул район җитәкчелегенә күрсәтелгән ярдәм, төзүчеләргә яхшы эшләгәннәре өчен рәхмәт белдерде, җитди авыруларга юлыкмас өчен халыкка даими рәвештә профилактик медицина тикшерүләрен узарга өндәде.
Соңыннан, кызыл тасма киселгәннән соң, барлык җыелучылар медпунктка кереп, аны карап чыктылар.