Үлән чәенең дәвалау үзлекләре

Ленино авыл китапханәсендә «Гармония» түгәрәгендә катнашучылар белән «Үлән чәенең дәвалау үзлекләре» дигән сәламәтлек сәгате үткәрелгән. Әйдәп баручы китапханәче Надежда Веретенникова бөтнек, сары мәтрүшкә, үлмәс гөл һәм әрем турында, аларның кайда үсүе, бу үсемлекләр белән нинди гореф-гадәтләр һәм легендалар бәйле булуы турында сөйләгән.  Шушы үсемлекләрнең файдалы үзлекләре турында җирле үләнче-Веретенникова Татьяна Петровна сөйләгән. Катнашучылар кайбер үсемлекләрнең файдасы турындагы белемнәре белән уртаклашканнар. Чара ахырында дару үсемлекләрен белгеч белән киңәшләшкәннән соң гына файдалану кирәклеге әйтелгән. Барлык катнашучыларга дару төнәтмәләре әзерләү рецептлары таратылган.