Язгы хәлсезлекне ничек җиңәргә?

admin, 8 март 2022 - 15:26

343

Кыштан соң организмга нинди витаминнар һәм минераллар аеруча кирәк? Табиб киңәшенә колак салыгыз.

Кышкы айларда кешегә кояш нурлары йогынтысында җитештерелә торган D витамины бик кирәк. D витамины сөт продукциясендә, йомыркада, лосось һәм тунец балыкларында бар.

Ноябрьдән март аена кадәр еш кына В төркеме витаминнары дефициты күзәтелә. Алар стресслы хәлләрне һәм депрессияне җиңәргә булышучы витаминнар булып тора. В витамины бөртеклеләрдә, яшел тәмләткечләрдә, авокадода, чүпрәдә һәм шпинатта аеруча күп.

Язын, шулай ук, организмда тимернең җитәрлек булуы бик мөһим, ул кан тамырларын һәм йөрәкне сәламәт хәлдә тотарга ярдәм итә.
Кышкы хәлсезлектән соң омега-3 майлы кислоталары арыганлык һәм начар кәеф белән көрәшергә ярдәм итә, алар майлы диңгез балыкларында һәм чикләвектә күп.